O‘zbekiston Markaziy banki joriy yilning fevral oyida 12 tonna oltin sotib, bu davrda qimmat metall sotuvi bo‘yicha dunyoda birinchi o‘ringa chiqdi. Bu haqda World Gold Council hisobotida ma’lum bo‘ldi.
Hisobotga ko‘ra, fevral oyida markaziy banklar tomonidan sotib olingan oltinning umumiy hajmi 19 tonnani tashkil etgan, bu mart oyiga nisbatan 58 foizga kam. Ikkinchi o‘rinni Iordaniya Markaziy banki (4 tonna oltin sotgan) egallamoqda.
Qimmatbaho metallarni xarid qilish bo‘yicha eng katta ko‘rsatkich Xitoy Xalq banki (12 tonna), shuningdek, Qozog‘iston Milliy bankiga to‘g‘ri kelmoqda. Bundan tashqari, Turkiya Markaziy banki oltin zaxiralarini 4 tonnaga oshirgan.
Fevral oyida markaziy banklar tomonidan talab sekinlashganiga qaramay, oltin sotib olishning keng tendensiyasi saqlanib qolmoqda.
Avvalroq Statistika agentligi fevraldagi oltin sotuvi respublikaning yanvar—fevral oylaridagi jami eksportidan 36,3 foizini tashkil etganini ma’lum qilgandi. Respublika 2023-yil yanvarda 1,2 milliard dollarlik oltin eksport qilgan. Joriy yil yanvarda esa oltin sotilmagan.
Yillik raqamlarga qaralsa, 2023-yilda O‘zbekistonning jami eksporti hajmi 24,4 milliard dollarni tashkil etgandi. Shundan 33,4 foizi, yaʼni 8,1 milliard dollari oltin eksporti hissasiga to‘g‘ri kelgan.
O‘zbekiston o‘tgan yili oltin sotish bo‘yicha dunyoda ikkinchi o‘rinni egallagandi. Mamlakat yil davomida qariyb 25 tonnadan ortiq oltin sotgan.
Izoh (0)