Kipros Yorgallis Kiprning O‘zbekistondagi favqulodda va muxtor elchisi etib tayinlandi. Bu haqda tashqi ishlar vaziri Baxtiyor Saidov o‘zining Telegram’dagi kanalida ma’lum qildi.
Qayd etilishicha, O‘zbekiston tashqi siyosiy idora rahbari Kipros Yorgallis bilan uchrashib, ishonch yorliqlarini qabul qilib olgan.
O‘zbekiston va Kipr tashqi ishlar vazirliklari o‘rtasidagi muntazam muloqot tobora mustahkamlanib borayotgan munosabatlarimizga, ayniqsa, iqtisodiy yo‘nalishdagi aloqalarga yangi surʼat bag‘ishlaydi, — deb yozadi Baxtiyor Saidov.
Eslatib o‘tamiz, 2018-yil noyabrda O‘zbekiston tashqi ishlar vaziri Abdulaziz Komilov Kiprning O‘zbekistonga tayinlangan yangi elchisi (qarorgohi Moskva shahrida) Leonidas Markidisni qabul qilgandi.
Bir necha kun oldin esa Baxtiyor Saidov Serra-Leone Respublikasining O‘zbekistondagi elchisi etib tayinlangan Muhammad Yongavodan ishonch yorliqlarini qabul qilib olgani to‘g‘risida xabar berilgan edi.
Izoh (0)