Erik Ovusu Boateng Gananing O‘zbekistondagi yangi elchisi etib tayinlandi. Bu haqda O‘zbekiston tashqi ishlar vaziri Baxtiyor Saidov kanalida xabar berildi.
![](/static/2024/03/14/2024-03-14 20.10.29-AMDxfycb.jpg)
Maʼlum qilinishicha, Baxtiyor Saidov Erik Ovusu Boatengning ishonch yorliqlarini qabul qildi.
“Biz Gananing mamlakatimizni xalqaro institutlar doirasida doimiy qo‘llab-quvvatlab kelayotganini yuksak qadrlaymiz. Ikki tomonlama munosabatlarimizni rivojlantirish uchun keng imkoniyatlar mavjudligini va aloqalarimizga yangi dinamika baxsh etish zarurligini taʼkidladik. O‘zbekistonga xush kelibsiz!”, – deya yoziladi O‘zbekiston tashqi ishlar vaziri Telegram kanalida.