Londonning “Chelsi” klubi “Barselona”ga yarim himoyachi Fermin Lopesni Kristofer Nkunku bilan almashishni taklif qildi. Biroq Kataloniya klubi bu taklifni rad ertgan. Bu haqda Mundo Deportivo nashri xabar bermoqda.
Manbaga ko‘ra, “Barselona” ustozi Hansi Flik 22 yoshli futbolchining jamoani tark etishiga qat’iy qarshi chiqqan. Germaniyalik mutaxassisning fikricha, Lopes “ko‘k-anorranglilar”ning muhim futbolchisi hisoblanadi. Ayniqsa, o‘tgan mavsumda Lamin Yamal jarohat olganida, Lopes chap qanotda ajoyib o‘yin namoyish etib, bir qancha muhim gollar muallifiga aylangan.
Avvalroq OAVda “Barselona” Ferminni transferga qo‘ygani haqida mish-mishlar tarqalgan edi. Bundan xabar topgan Hansi Flik futbolchining o‘zi bilan bog‘lanib, vaziyatga aniqlik kiritgan. Fermin esa murabbiyga klubda qolishni istayotganini bildirgan.
Ma’lumot uchun, Fermin Lopes o‘tgan mavsumda “Barselona” safida 46 ta o‘yinda maydonga tushib, o‘z hisobiga 8 ta gol va 10 ta golli uzatma yozdirib qo‘ygan. Uning klub bilan shartnomasi 2029-yil yozigacha amal qiladi. Transfermarkt portali futbolchining qiymatini 50 million yevroga baholagan.
Izoh (0)