“Daryo” nashriga fuqarodan kelib tushgan murojaatda aytilishicha, Samarqand viloyati Jomboy tumanidagi “Ko‘k gumbaz” mahallasida noma’lum yirtqich uy hayvonlarini bo‘g‘izlab ketmoqda.
Murojaatchi yuborgan videotasvirlarda ko‘rinishicha, qo‘radagi o‘nlab qo‘ylar bo‘g‘izlab tashlangan.
Buni qaysi yirtqich hayvon qilayotganini bilolmayapmiz. Mahallada 40 boshdan ortiq qo‘ylarni bo‘g‘izlab ketdi.
Mahalla raisiga, hokimiyatga murojaat qildik, lekin samara bo‘lmayapti, — dedi murojaatchi “Daryo” muxbiri bilan suhbatda.
Holat yuzasidan Jomboy tumani hokimligi axborot xizmati izoh berdi.
Haqiqatan ham, shunday hodisa bo‘layotgani haqida ikki kun avval mahalla raisi hokimiyatga murojaat qilgan. Masalani o‘rganish, hayvonni tutish tuman obodonlashtirish bo‘limiga yuklatilgan,— dedi hokimlik axborot xizmati vakili.
Uning qo‘shimcha qilishicha, oxirgi besh yilda bunday holat tumanda kuzatilmagan.
Izoh (0)