Prezident raisligida bo‘lib o‘tayotgan yig‘ilishda tarmoq rahbarlari va hokimlarning bu yil elektr va gazni tejash rejasi qoniqarsiz ekani, ular yanada katta marra olishi shartligi taʼkidlandi. Bu haqda Prezident matbuot xizmati xabar berdi.
Har bir hokimga bittadan tumanni tanlab, elektr va gaz tejash bo‘yicha namuna qilish topshirildi. Ushbu tumanlarda bu yil 750 million kilovatt elektr va 550 million kub metr gaz iqtisod qilinishiga erishish muhimligi taʼkidlandi.
“Tejash – yo‘qotishlarni kamaytirish, tejamkor texnologiyalarni joriy qilish hisobiga bo‘lishi shart”, — dedi davlat rahbari.
Yig‘ilishda bundan buyon ilg‘or tajriba asosida soha va tarmoqlarda energiya samaradorlikni baholash bo‘yicha yangicha tizim amal qilishi belgilandi. Bunda:
- yiliga kamida 4 million kilovatt elektr yoki 375 ming kub metr gaz sarflaydigan yirik isteʼmolchilar har uch yilda energiya auditidan o‘tadi;
- Energoinspeksiya har yili yirik isteʼmolchilar ro‘yxatini eʼlon qilib boradi;
- auditdan o‘tmagan korxonalarga gaz va elektr oshirilgan tarifda yetkaziladi.
Mutasaddilarga yil yakunigacha yangi tizim bilan bog‘liq texnik reglament va normativ hujjatlarni ishlab chiqish topshirildi.
Izoh (0)