“Taʼlim sifatini yaxshilash — davlatimiz siyosatining, olib borilayotgan islohotlarning eng muhim yo‘nalishlaridan biri” — Saida Mirziyoyeva

“Muvaffaqiyatli islohotlar — yuqori natijalar” xalqaro anjumani bugun, 7-iyun kuni bo‘lib o‘tdi. 

Prezident yordamchisi Saida Mirziyoyevaning maʼlum qilishicha, anjuman qatnashchilari taʼlim sifati, bu sohadagi joriy tendensiyalar borasida o‘z fikr-mulohazalari bilan o‘rtoqlashdi.

“Taʼlim sifatini yaxshilash – davlatimiz siyosatining, olib borilayotgan islohotlarning eng muhim yo‘nalishlaridan biri. Pedagoglar jamiyatda eng muhim o‘rin tutgan kasb egalaridir. Insonni tarbiyalab, atrofdagilarga, madaniyatga, Vatanga munosabatimizni shakllantiradigan asosan shular. Agar davlatni bir daraxt deb tasavvur qiladigan bo‘lsak, o‘qituvchilarni uning ildiziga qiyoslash mumkin. 

Ishonchim komilki, daraxtning ildizi chuqur, baquvvat bo‘lmas ekan, ko‘kka bo‘y cho‘zolmaydi, gullab-yashnamaydi, meva bermaydi. Shuning uchun ham O‘zbekiston taʼlim tizimini takomillashtirishga bu qadar katta eʼtibor qaratib, pedagoglarimizni xalqaro dasturlarda ishtirok etishga, dunyoning eng ilg‘or tajribalarini qo‘llashga undamoqda”, — deb yozadi Saida Mirziyoyeva.