Namanganda Nexia-3 YTHga uchrab, haydovchisi bilan birga yonib ketdi. Bu haqda viloyat FVB matbuot xizmati xabar berdi.
Ma’lum qilinishicha, hodisa 25-may kuni soat 20:49 larda Namangan shahar “Yangi asr” MFY hududidan o‘tgan yo‘lda sodir bo‘lgan. 2006-yilda tug‘ilgan fuqaro Nexia-3 avtomashinasini boshqarib borayotib boshqaruvni yo‘qotib, yo‘lning o‘ng chetiga chiqib ketib, daraxtga borib urilishi natijasida avtomashinada yong‘in bo‘layotgani haqida xabar kelib tushgan.
Xabarga asosan soat 21:03 da yong‘in qutqaruv ekipaji yetib borib, soat 21:05 da yong‘in qutqaruvchi va fuqarolar tomonidan bartaraf etilgan.
Hodisa oqibatida avtomashina to‘liq yonib zararlangan hamda haydovchi voqea joyida vafot etgan.
Yong‘in bilan yakunlangan YTHlar
2025-yilning martida Toshkent viloyatida Cobalt bilan to‘qnashgan Nexia-2 yonib ketgandi. Aprelda oyida Toshkentda beton to‘siqqa urilgan elektromobil yonib ketdi. Haydovchi tirik qolgan, shifokorlar tomonidan tibbiy yordam ko‘rsatilgan. O‘sha oyda Rossiyada 6 nafar o‘zbekistonlik bo‘lgan avtomobil YTHga uchrab, yonib ketgandi.
Izoh (0)