Toshkentning Chilonzor tumanida Cobalt yonib ketishi oqibatida 4 kishi kuyish tan jarohati oldi.
Poytaxt FVB matbuot xizmatiga ko‘ra, hodisa 20-iyul kuni Kichik halqa yo‘li ko‘chasida sodir bo‘lgan. Yong‘in-qutqaruv ekipajlari voqea joyiga soat 23:05 da yetib borib, yong‘in soat 23:07 da o‘chirilgan. Kuyish tan jarohati olgan fuqarolar shifoxonaga yotqizilgan.
Toshkent shahar YHXBning xabar qilishicha, shu kuni soat 13:30 larda Mirzo Ulug‘bek tumani Oltintepa—Chahbud ko‘chalari chorrahasida Lacetti va Tracker to‘qnashgan. Tracker haydovchisi rul boshqaruvini yo‘qotib, yo‘l chetida turgan piyodani urib yuborgan. Oqibatda piyoda tan jarohatlari natijasida voqea joyida vafot etgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lsa, aybdor shaxs muayyan huquqdan mahrum qilinib, 7 yilgacha ozodlikdan mahrum qilish bilan jazolanadi.
Izoh (0)