Jizzaxda ehtiyotsizlik oqibatida jinoyat sodir etgan 23 yoshli X.U. Yoshlar ittifoqi kafilligi asosida sud zalidan ozod etildi. Bu haqda Oliy sud matbuot xizmati xabar berdi.
Qayd etilishicha, Jinoyat ishlari bo‘yicha Zarbdor tuman sudida Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan Zarbdor tuman sudida ayblanuvchi X.U.ga oid jinoyat ishi ko‘rib chiqilgan.
Sudda u sodir etgan jinoyat ishi ehtiyotsizlik oqibatida kelib chiqqani, qilgan ishidan pushaymonligi, muqaddam sudlanmagani, OTM talabasi ekani hisobga olingan.
Insonparvarlik, bag‘rikenglik va odillik tamoyillariga tayanib Yoshlar ittifoqi kafilligi asosida X.U.ga qonun doiraisda yengillik berildi. X.U.ning xulqi va tarbiyasi bir yil davomida Yoshlar ittifoqi nazoratida bo‘ladi va uning ijtimoiy foydali mehnat bilan shug‘ullanishi taʼminlanadi, — deyiladi xabarda.
O‘z navbatida Oliy sud matbuot xizmati kimning yoki qaysidir tashkilotning kafilligida ozod etildi, nazoratida bo‘ladi, degani “Butunlay oqlandi”, degani ham emasligini, endi jinoyat sodir etgan shaxs nihoyatda ehtiyot va ogoh bo‘lishi, qonunni umuman buzmasligi shartligini ta’kidlagan.
- Avvalroq Toshkentda to‘rtta avtomashina ishtirokida YTH sodir bo‘lgani,
- Navoiyda yuz bergan YTHda esa bir oilaning 5 a’zosi halok bo‘lgani to‘g‘risida xabar berilgandi.
- Shuningdek, Andijon viloyatida haydovchilik guvohnomasiga ega bo‘lmagan yigit mashina boshqarib, avtohalokat sodir etgan,
- Toshkent viloyatida boshqaruvni yo‘qotgan Damas transport vositasi kanalga tushib ketgan edi.
Izoh (0)