Жиззахда эҳтиётсизлик оқибатида жиноят содир этган 23 ёшли Х.У. Ёшлар иттифоқи кафиллиги асосида суд залидан озод этилди. Бу ҳақда Олий суд матбуот хизмати хабар берди.
Қайд этилишича, Жиноят ишлари бўйича Зарбдор туман судида Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан Зарбдор туман судида айбланувчи Х.У.га оид жиноят иши кўриб чиқилган.
Судда у содир этган жиноят иши эҳтиётсизлик оқибатида келиб чиққани, қилган ишидан пушаймонлиги, муқаддам судланмагани, ОТМ талабаси экани ҳисобга олинган.
Инсонпарварлик, бағрикенглик ва одиллик тамойилларига таяниб Ёшлар иттифоқи кафиллиги асосида Х.У.га қонун доираисда енгиллик берилди. Х.У.нинг хулқи ва тарбияси бир йил давомида Ёшлар иттифоқи назоратида бўлади ва унинг ижтимоий фойдали меҳнат билан шуғулланиши таъминланади, — дейилади хабарда.
Ўз навбатида Олий суд матбуот хизмати кимнинг ёки қайсидир ташкилотнинг кафиллигида озод этилди, назоратида бўлади, дегани “Бутунлай оқланди”, дегани ҳам эмаслигини, энди жиноят содир этган шахс ниҳоятда эҳтиёт ва огоҳ бўлиши, қонунни умуман бузмаслиги шартлигини таъкидлаган.
- Аввалроқ Тошкентда тўртта автомашина иштирокида ЙТҲ содир бўлгани,
- Навоийда юз берган ЙТҲда эса бир оиланинг 5 аъзоси ҳалок бўлгани тўғрисида хабар берилганди.
- Шунингдек, Андижон вилоятида ҳайдовчилик гувоҳномасига эга бўлмаган йигит машина бошқариб, автоҳалокат содир этган,
- Тошкент вилоятида бошқарувни йўқотган Damas транспорт воситаси каналга тушиб кетган эди.
Изоҳ (0)