Samarqand viloyatining Paxtachi tumanida ikki nafar o‘quvchi hovuzda cho‘kib ketib, halok bo‘ldi. Bu haqda Bosh prokuratura matbuot xizmati “Daryo”ga xabar berdi.
Maʼlum qilinishicha, tumandagi 6-sonli maktabning 6-sinf o‘quvchilari A.Sh. va N.M. “Nazarov Oqbo‘ta” fermer xo‘jalik yerlarini tomchilatib sug‘orish uchun mo‘ljallangan hovuzda cho‘kib ketgan.
Hozirda ushbu holat yuzasidan Paxtachi tumani IIB va prokuratura tomonidan surishtiruv harakatlari olib borilmoqda.
Bundan avval Toshkentning Bo‘rijar kanaliga tushib ketgan qizni qutqargan erkakning o‘zi halok bo‘lgani xabar qilingandi. Shuningdek, Farg‘onada uch nafar voyaga yetmagan bola sun’iy suv havzasiga cho‘kib ketgan edi.
Shu bilan birga, Sirdaryo viloyati Mirzaobod tumanida 14 yoshli maktab o‘quvchisi kanalda cho‘kib ketgan edi.
Izoh (0)