Women Techmakers (WTM) – bu Google kompaniyasining xotin-qizlar uchun yuqori texnologiyalar sohasidagi global dasturi bo‘lib, u innovatsiyalarni rag‘batlantirish va xotin-qizlarni jalb qilish bo‘yicha hamkorlik va resurslarni taqdim etadi.
Women Techmakers tadbirlari xotin-qizlarning yuqori texnologiyalar sohasidagi ishtiroki uchun shart-sharoit yaratishga ko‘maklashishni o‘z oldiga maqsad qilgan.
200 dan ortiq yosh va intiluvchan yigit-qizlarni birlashtirgan ushbu tadbir raqamli texnologiyalar maktabi School 21 va Women Techmakers hamjamiyati tomonidan USAIDning Biznesni qo‘llab-quvvatlash loyihasi ko‘magida tashkillashtirildi.
Tadbir joriy yilning 8 iyun kuni School 21 da yalpi va seksiyali mahorat darslari kabi ikki qismdan tashkil topdi.
Yalpi yig‘ilishda ma’ruzachilar ITda xotin-qizlarning roli to‘g‘risida o‘z fikrlari bilan o‘rtoqlashdilar, shuningdek ishtirokchilar HAMKORLAB, EPAM Systems, Mohirdev, Tenge Market, Toptal va boshqa yirik kompaniyalarda IT-loyihalar ustida ishlaydigan ayollar faoliyati bilan tanishdilar.
Seksiya seminarlari va mahorat darslarida ishtirokchilar loyihalarni boshqarish, ijtimoiy tarmoqlarda o‘zini targ‘ib qilish va IT sohasida ish topish bo‘yicha amaliy bilimlarga ega bo‘lishdi.
Tadbirda School 21 boshqaruv direktori Zarina Luxmanova shuni ta’kidladiki:
“Bu yil Women Techmakers tadbiri Samarqandda va aynan bizning maktabimizda o‘tkazilganligidan juda xursandmiz. Bugungi kunda School 21 da 17 yoshdan 44 yoshgacha bo‘lgan 16 foiz qizlar bepul tahsil oladi. Ular orasida ro‘zg‘or yumushlari va ta’limni birgalikda muvaffaqiyatli tarzda olib borayotgan onalar ham bor, bu esa o‘rganishni boshlash hech qachon kech emasligini ko‘rsatadi. Aynan shundaylar uchun maktabda maxsus bolalar xonasi tashkil etilmoqda.
Biz barcha talabalarimiz uchun qulay muhit yaratishga va xotin-qizlarni IT sohasida ilm olishlari va o‘z karyeralarini yaratishlarini qo‘llab-quvvatlashga intilamiz. Men barchani School 21 ga qo‘shilishga va bepul ta’lim olishga taklif qilaman, buning uchun Siz 21-school.uz sayti orqali saralash bosqichiga ariza berishingiz kerak bo‘ladi”.
Women Techmakers tadbiri O‘zbekistonda 2018 yildan beri amalga oshirilib kelinadi, ammo loyiha Samarqandda birinchi marta o‘tkazilmoqda.
WTM elchisi, Plug and Play kompaniyasining hamkorlar bilan ishlash bo‘yicha menejeri Rano Sidikova:
“Toshkentda biz allaqachon sa’y-harakatlarimiz natijasini ko‘rmoqdamiz va o‘tgan yili WTM tadbirida 400 dan ortiq ishtirokchini yig‘ishga erishdik. Bugungi kunda poytaxtdagi IT-kompaniyalarda ko‘plab xotin-qizlar ishlaydi, ammo hududlarda texnologiya sohasidagi genderning farqi yanada aniqroq. WTM tadbirlari O‘zbekiston hududlari bo‘ylab o‘tkazila boshlanganligi bizni quvontirdi”.
Nozima Malikova – USAIDning Biznesni qo‘llab-quvvatlash loyihasi mutaxassisi:
“USAID loyihasi O‘zbekistonda xususiy sektorni, ayniqsa axborot-kommunikatsiya texnologiyalari kabi istiqbolli sohalarni rivojlantirishga qaratilgan. Loyiha doirasida xotin-qizlar, yoshlar va aholining boshqa zaif qatlamlarini iqtisodiyotga integratsiyalashtirishga alohida e’tibor qaratilmoqda. Axborot texnologiyalari sohasida xotin-qizlar va yoshlar ishtirokini qo‘llab-quvvatlash orqali biz yanada mustahkam va turli xil iste’dodlar bazasini yaratishni maqsad qilganmiz”.
Tadbir texnologiya sohasida yuksalishga intilayotgan yigit-qizlar o‘rtasida bilim, tajriba va o‘zaro fikr almashish uchun muhim maydon bo‘ldi.
School 21 da BEPUL o‘qish uchun maktab veb-saytida ariza topshirish mumkin.
Ro'yxatga olish sahifasiga ushbu havola orqali o'tishingiz mumkin.
Reklama huquqi asosida.
Izoh (0)