Amerika Qo‘shma Shtatlari iyun oyi oxirida Apple, Samsung va boshqa smartfon ishlab chiqaruvchilarga bojlar joriy qilishi mumkin.
Bu haqda AQSH prezidenti Donald Tramp Oq uyda jurnalistlar bilan suhbat chog‘ida ma’lum qilgan.
Trampdan Apple’ga 25 foizlik bojlarning joriy etilishi mumkinligi haqidagi so‘nggi posti bu boshqa smartfon ishlab chiqaruvchilarga ta’sir qilmasligini anglatadimi, deb so‘ralgan. “Bojlar joriy etiladigan kompaniyalar ko‘proq bo‘ladi. Ular orasida Samsung va shu mahsulotlarni ishlab chiqaruvchi boshqalar ham bo‘ladi, aks holda bu adolatsizlik bo‘lardi”, dedi Amerika rahbari.
Shu bilan birga, Tramp bojlar kelasi oy oxirida joriy etilishini tan oldi.
“O‘ylaymanki, biz uni iyun oyining oxirigacha bojlarni yo‘lga qo‘yamiz”, deb davom etdi AQSH prezidenti.
Shu bilan birga agar elektronika ishlab chiqaruvchilari zavodlarini Amerika Qo‘shma Shtatlariga ko‘chirsa, tariflar qo‘llanilmasligini tushuntirdi.
Izoh (0)