“Сергели деҳқон бозори” АЖ ижроия органига бозор ҳудудидаги балиқ, гўшт ва бошқа маҳсулотлар билан савдо қилувчи дўконларни инвесторларни жалб этган ҳолда таъмирлаш ҳамда қуриш вазифаси юкланди. Бу борадаги қарор 8 апрель куни ўтказилган йиғилишда қабул қилинган.
Қайд этилишича, Вазирлар Маҳкамасининг “Қурилиш соҳасига оид ягона маъмурий қурилиш регламентларини тасдиқлаш тўғрисида”ги қарорига асосан балиқ, гўшт ва бошқа маҳсулотларга мўлжалланган енгил типдаги савдо дўконларни тегишли органлардан рухсатномалар олган ҳолда амалдаги қонунларга, меъёрий ҳужжатларга асосан қурилиш ва таъмирлаш ишларини инвесторларни жалб этган ҳолда амалга ошириш жамият ижроия органига юклатилган. Шунингдек, жамият ижроия органи яна қўшимча манбалар топиб, даромад манбаларини кўпайтирилади ҳамда “Бизнес-режа” параметрларини тўлиқ бажариш чораларини кўради.
Таъкидлаш керакки, “Сергели деҳқон бозори” акциядорлик жамияти устав фондининг 95,53 фоиз акциядори пойтахт ҳокимлиги ҳисобланади.
Бундан ташқари ҳар йили йил якуни бўйича бўлиб ўтадиган акциядорлар умумий йиғилишида жамият директорининг меҳнат шартномаси масаласи кўриб чиқилади ва бунда меҳнат шартномани давом эттирилишига директорнинг жамият фаолияти самарадорлигини ошириш бўйича мажбуриятлари ҳамда жамиятнинг йиллик бизнес-режасини бажариши ҳолатига, ҳар чорак якуни бўйича жамият кузатув кенгаши олдида берадиган ҳисоботларининг даврийлигига қаралади.
Аввалроқ пойтахтдаги “Миробод деҳқон бозори” АЖ 2023 йилда 2 миллиард сўмдан зиёд соф фойда кўргани хабар қилинганди. Бозор маъмурияти мазкур маблағлардан 50 фоизини ажратмалар ва давлат улуши бўйича дивидендларга ўтказади. Жамият кузатув кенгаши, бошқарув органлари ва ходимларини 2023 йил якуни бўйича рағбатлантиришга 554 миллион сўм йўналтиради. Қолган 513 миллион сўм соф фойда жамиятнинг моддий техника базасини мустаҳкамлаш ва ривожлантиришга йўналтирилади.
Изоҳ (0)