Orient Силк Роад Эхпресс биринчи люкс поезди хорижлик сайёҳларни Ўзбекистоннинг тарихий шаҳарлари орқали олиб ўтиб, Тошкентга етиб келди. Бу ҳақда “Дунё” агентлиги хабар берди.
Қайд этилишича, “Буюк ипак йўли” йўналиши бўйлаб саёҳат лойиҳаси Германиянинг Лернидее Эрлебнисреисен ва Англиянинг Golden Эагле Luxury Траинс сайёҳлик компаниялари билан ҳамкорликда амалга оширилмоқда.
Туристик чартер поездлари Австрия, Англия, Германия, Нидерландия, Индонезия, Ирландия, Испания, Канада, Люксембург, Малайзия, АҚШ, Франция ва Швейцариядан келган сайёҳларга хизмат кўрсатади.
Қозоғистоннинг “Kazinform” нашри ёзишича, 2024 йилда 14 та туристик поезд Ўзбекистон шаҳарлари бўйлаб ҳаракатланади.
Ушбу поездлардан биттаси сайёҳларга хизмат кўрсатишни тугатиб, Тошкентга етиб келди. Иккинчиси ҳозирда Самарқандда сайёҳларга хизмат кўрсатмоқда, — дейилади хабарда.
Эслатиб ўтамиз, 2020 йилда Чимкентдаги “Онтустик” махсус иқтисодий зонаси негизида Қозоғистон—Ўзбекистон енгил саноат кластерини ривожлантириш бўйича ишларни давом эттириш ва Қозоғистоннинг Туркистон вилояти, шунингдек, Тошкент, Самарқанд, Бухоро ва Хоразм вилоятларининг диққатга сазовор жойлари бўйлаб сайёҳлик йўналишини яратиш таклифи билдирилган эди.
Изоҳ (0)