Жанубий Кореянинг оммабоп SkyLifeTV телекомпаниясининг ENА теледастури ва кўплаб корейс сериалларида суръатга тушган машҳур актёрларидан иборат ижодий гуруҳ Ўзбекистоннинг хорижий сайёҳлар кўп ташриф буюрадиган жойлари ҳақида кўрсатув олишни режалаштирмоқда. Бу ҳақда “Дунё” АА хабар берди.
Маълум қилинишича, Жанубий Корея телекомпаниясининг суратга олиш гуруҳи Ўзбекистонга ижодий сафари давомида Тошкент, Самарқанд ва Бухоро шаҳарларида бўлади.
Сафар чоғида мамлакатнинг сайёҳлик имкониятлари, маданий ва тарихий жойлари, дам олиш масканлари, гастрономияси, ҳунармандчилик анъаналари ҳақидаги махсус кўрсатув суратга олинади.
“Ушбу дастур Жанубий Корея аҳолиси учун қизиқарли бўлади. Ундан кўзланган асосий мақсад – Ўзбекистоннинг бой маданияти, тарихи ва туризм салоҳиятини кореяликлар севиб томоша қиладиган машҳур актёрлар ёрдамида очиб беришдан иборат. Бу ўз навбатида, юртингизга сайёҳлар сонининг кўпайишига хизмат қилади, деб умид қиламан” – деган ENА теледастури директори Пак Чонг Хон.
Изоҳ (0)