Давлат хавфсизлик хизмати Қашқадарё ва Жиззах вилоятларида коррупция ҳамда фирибгарлик ҳолатларига чек қўйди.
![](/static/2024/09/09/3-eIwynBWC.jpg)
“Хавфсиз дарё бошқармаси” давлат муассасасининг Қашқадарё вилояти бўлинмаси мансабдор ходими Қарши туманида истиқомат қилувчи фуқаро томонидан махсус техникалар ёрдамида “Қашқадарё” дарёси атрофидан ноқонуний равишда қум қазиб олаётганлик ҳолатини аниқлаган.
Шундан сўнг унга нисбатан чора кўрмаслик ва ушбу ноқонуний ҳолат юзасидан жарима майдончасига жойлаштирилган экскаватор-юклагич техникасини чиқариб бериш, шунингдек, келгусида қум қазиб олишида раҳнамолик қилиш эвазига 3 минг доллар олган вақтида ашёвий далиллар билан ушланди.
Ҳолат юзасидан ушбу мансабдор шахсга нисбатан Жиноят кодексининг 210-моддаси 2-қисми “в” банди (пора олиш тамагирлик йўли билан) билан жиноят иши қўзғатилиб, қамоқ эҳтиёт чораси қўлланилди.
Бошқа ҳолатда эса Сурхондарё вилоятидаги қурилиш объектларида назорат ўлчов фаолиятини амалга оширувчи МЧЖнинг етакчи мутахассиси Жиззах вилоятида қурилиш фаолияти билан шуғулланувчи МЧЖ мансабдор шахсларига нисбатан ёрдам беришни ваъда қилади.
Хусусан қурилиш билан шуғулланувчи шахсларга нисбатан май ойида прокуратура органлари томонидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан қўзғатилган жиноят иши доирасида, ушбу МЧЖ томонидан Янгиобод туманида амалга оширилган қурилиш ишлари бўйича ўтказилган назорат ўлчовида аниқланган қўшиб ёзиш ҳолатларини текширув хулосасида кўрсатмаслик ҳамда танишлари орқали тергов жараёнларида енгиллик яратиб бериш эвазига 400 млн сўм талаб қилади.
Ўтказилган тезкор тадбирда етакчи мутахассис талаб қилинган пул маблағидан 150 млн сўм олган вақтида ушланди.
Ҳолат бўйича қонунбузарга нисбатан Жиноят кодексининг 25,168-моддаси 3-қисми “а”, “в” бандлари (фирибгарлик кўп миқдорда, хизмат мавқеидан фойдаланган ҳолда) ҳамда 28,211-моддаси 2-қисми “б” банди (пора бериш кўп миқдорда содир этилган бўлса) билан жиноят иши қўзғатилиб, қамоқ эҳтиёт чораси қўлланилди.
Изоҳ (0)