Президент ёрдамчиси Саида Мирзиёева ЖСТ бош директори Нгози Оконжо-Ивеала билан учрашди.
Саида Мирзиёеванинг ёзишича, мулоқот давомида ташкилотга аъзо бўлиш йўлида Ўзбекистон томонидан кўрилаётган амалий қадамлар муҳокама қилинган. Шунингдек, миллий қонунчиликни ЖСТ нормалари ва қоидалари билан уйғунлаштириш борасида Ўзбекистон эришган натижалар ҳамда бошқа ижобий ўзгаришлар қайд этилган.
Кеча Жаҳон савдо ташкилоти бўлим раҳбари Маика Ошикава ЖСТ делегациясининг ташрифи ва ундан кўзланган мақсад ҳақида Линкедин саҳифасида ёзиб қолдирган эди. Делегация президентнинг ЖСТ масалалари бўйича вакили Азиз Урунов билан ишчи гуруҳнинг бўлажак 9-йиғилиши учун ҳужжатларни, жумладан, E-dWPR’нинг янгиланган версиясини, тасдиқловчи ҳужжатларни якунлаш бўйича техник ишларни муҳокама қилиш ва қўшимча қонун ҳужжатларини жорий этиш масалаларини муҳокама қилган.
Бундан аввал Танзила Норбоева АҚШ элчиси билан Ўзбекистоннинг ЖСТга аъзо бўлишини муҳокама қилган эди.
Изоҳ (0)