Вазирлар Маҳкамасининг “Божхона йиғимлари ставкаларини тасдиқлаш тўғрисида” қарори қабул қилинди. Бу ҳақда Божхона қўмитаси матбуот хизмати хабар берди.
Қарор билан қуйидагиларни назарда тутган ҳолда Божхона йиғимлари ставкалари тасдиқланди:
- товарларнинг божхона расмийлаштируви учун йиғимлар миқдори божхона органлари томонидан ҳаракатларни амалга ошириш билан боғлиқ бўлган харажатларнинг тахминий қийматидан келиб чиқиб белгиланади;
- товарларни “экспорт” ва “импорт” божхона режимларига расмийлаштириш учун ундириладиган божхона йиғимлари ставкалари ўзаро мувофиқлаштирилди;
- божхона органларининг иш вақтидан ташқари божхона расмийлаштируви учун йиғим миқдори 8 баробарга камайтирилди. Яъни, БҲМнинг 2 бараваридан 25 фоизига туширилди;
- божхона ҳудудида ва ҳудудидан ташқарида қайта ишлаш божхона режимларида ундириладиган йиғим миқдори 2 баробарга пасайтирилди;
- дастлабки декларациялаш амалга оширилганда ундириладиган йиғимга 20% миқдорида чегирма тақдим этилади;
- транзит божхона режими учун БҲМнинг 25 фоизи миқдорида йиғим белгиланди;
- халқаро курерлик жўнатмаларининг 1 кг учун БҲМнинг 2 фоизи миқдорида йиғим белгиланди.
Мазкур қарор расмий эълон қилинган санадан эътиборан 3 ойдан сўнг кучга киради.
Изоҳ (0)