Сирдарё вилояти Сардоба туманидаги боғчада 6 ёшли боланинг танасига игна санчиб, таҳдид қилинди. Ҳолат юзасидан “Бу Кун” дастурида маълумот берилди.
Хабар берилишича, ҳолат 10 февраль куни Сирдарё вилояти Сардоба туманидаги болалар боғчаларидан бирида содир бўлган. Касб-ҳунар мактабининг амалиётчи талабаси мазкур боғчага амалиёт ўташ учун келган бўлган.
Мазкур талаба болаларга қараш вақтида 6 ёшли боланинг танасига игна санчган. Экспертиза хулосасига кўра, болага енгил тан жароҳати етказилган.
Боланинг онаси ўша куни фарзандининг ўртоқлари оналарига телефон қилиб, улардан ҳам игна ҳақида сўраган. Таъкидланишича, фақат унинг ўғлига игна санчилган бўлган.
“Ўғлим ая, игна тиқди, деди. Биринчи, ўртоқларимга тиқди, менга тиқмади, деди. Кейин ўртоқларининг оналарига телефон қилиб сўрадим, уларнинг фарзандларига игна санчилмаганини айтишди. Кейин ўғлимни видеога олиб, хўжайинимга жўнатдим. Ўғлим йиғлаб, қаерларига игна санчганини кўрсатиб берди”, дейди она.
Ҳолат юзасидан амалиётчи талаба қизга БҲМнинг бир баравари (375 000 сўм) миқдорида жарима жазоси тайинланди.
Боғчаларда болалар билан боғлиқ шу каби ҳолатлар:
- Нукусдаги хусусий боғчада болаларга қўполлик қилингани аниқланди
- Сергелидаги боғчада тарбиячининг калтаклаши оқибатида боланинг оёғи синди
- Тошкентда 6 ёшли болага қизлар кийимини кийдириб, аёллар рақсини ижро эттирган боғча тарбиячиси ишдан бўшатилди
- Хоразмда тарбиячи болаларни қарғаган видеосини адашиб ота-оналар гуруҳига жўнатиб юборди
- Тошкентдаги хусусий боғчада тарбиячи болани уриб, ҳақоратлади
- Сурхондарёдаги боғчада 5 ёшли болани урган тарбиячи ишдан олинди
- Жиззахда 3 ёшли боғча боласининг ўлимига сабабчи бўлганларга суд ҳукми ўқилди
Бундан ташқари, Самарқандда боғчадаги болалардан бири 3 ёшли қизнинг қўлларидан тишлаб, жароҳат етказгани, Андижондаги боғчада тарбиячи боланинг юзига бир неча бор тарсаки туширгани тўғрисида хабар берилганди.
Изоҳ (0)