Марказий банкнинг расмий веб-сайтида инфляция калкулятори ишга туширилди. Унинг ёрдамида ихтиёрий ойлар ёки йиллар оралиғида инфляциянинг пул қийматига таъсирини кўриш мумкин.
Калкулятордан инфляция вақт ўтиши билан аҳоли ва тадбиркорлар харид қобилиятига қандай таъсир қилаётганини баҳолашда фойдаланиш мумкин. Бунинг учун ҳисоблагичга маълум бир сумма киритилади. Кейин вақт оралиғини танлаш орқали пулнинг бугунги ёки ўтган йиллардаги қиймати келиб чиқади.
Масалан, 1999 йил декабрдаги 100 минг сўм қиймати 2025 йил январда 1 млн 234 сўмга тенг бўлган. Ўтган вақт давомида йиғилган инфляция қарийб 1133 фоизни ташкил этган. Мазкур давр мобайнидаги ўртача йиллик инфляция 10,54 фоизга тўғри келади.
Ҳисоблагич Статистика агентлигининг инфляция бўйича ҳисоб-китоблари асосида ишлайди. Маълумотлар базасига 1999 йил декабрь ойидан бошлаб 2025 январигача бўлган вақт оралиғидаги сўм қиймати қандай ўзгаргани тўғрисида рақамлар киритилган.
Инфляция калкулятори Марказий банк веб-сайтининг бош саҳифаси ҳамда “Пул-кредит сиёсати” бўлимида жойлашган.
Изоҳ (0)