Нарпай туманида ўтказилаётган халқ депутатлари туман Кенгашининг навбатдан ташқари сессиясида ташкилий масала кўрилди, деб хабар беради Самарқанд вилояти ҳокимлиги матбуот хизмати.
Қайд этилишича, 2020 йилдан буён туманга раҳбарлик қилиб келган Шерзод Раҳманов бошқа ишга ўтаётгани боис туман ҳокими лавозимидан озод этилган.
Сессияда депутатлар томонидан Шербек Буранов номзоди Нарпай тумани ҳокими лавозимига тасдиқланган.
Шербек Буранов 1985 йилда Самарқанд вилояти Нарпай туманида туғилган. 2003 йилдан бошлаб банк тизимида турли лавозимларда фаолият олиб борган. 2021 йилдан буён Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг аъзоси.
Аввалроқ Дилшод Мирханов Учқўрғон тумани ҳокими этиб тайинлангани, Жиззах вилояти ҳокими ўринбосари ўзгаргани, Зиёдулла Каримов Сардоба тумани ҳокими этиб тасдиқлангани тўғрисида хабар берилганди.
Изоҳ (0)