Тирик илонларни божхона пости орқали олиб чиқишга бўлган уриниш фош этилди, деб хабар бермоқда Тошкент вилояти Божхона бошқармаси.
Келтирилишича, қўшни давлатга чиқиш мақсадида Навоий чегара божхона постига пиёда кириб келган фуқаро юклари божхона кўригидан ўтказилганида, оғзаки сўровда декларацияланмаган ва оғзаки сўровда маълум қилинмаган 15 дона колвар турига мансуб тирик илонлар аниқланди.
Маълумотларга кўра, ушбу илонлар Қизил китобга киритилган бўлиб, табиий популяцияни сақлаш мақсадида ҳимоя қилинади.
Ҳозирда ушбу тирик илонлар Тошкент ҳайвонот боғига топширилган бўлиб, мутахассислар уларнинг соғлиқ ҳолатини барқарор деб баҳолашмоқда. Ҳолат юзасидан божхона органлари томонидан суриштирув ишлари давом этмоқда.
Амалдаги тартибларга биноан, ёввойи ҳайвонларни Ўзбекистонга олиб кириш экология ва атроф-муҳитни муҳофаза қилиш органлари берадиган рухсатномалар асосида амалга оширилади. Ўзбекистонга ғайриқонуний равишда олиб киришга уриниш чоғида ушлаб қолинган ёввойи ҳайвонлар эса белгиланган тартибда олиб қўйилади.
Мавзуга доир:
- Тошкент халқаро аэропортида ноқонуний олиб ўтилган тимсоҳ ва буқаламун болаларининг 7 таси нобуд бўлди
- Тошкент ҳайвонот боғи браконьерлардан олиб қўйилган 57 та Нил тимсоҳининг аҳволи бўйича маълумот берди (фото)
- Тошкент халқаро аэропортида тўхтатиб қолинган тимсоҳ болалари ва буқаламунларнинг аҳволи ҳақида маълумот берилди
- Тошкентдаги аэропортда аёл тимсоҳ боласи, игуана ва питонларни ноқонуний олиб киришга уринди (видео)
Изоҳ (0)