Тошкент шаҳар Сергели туманида жойлашган кўп қаватли бинода ёнғин содир бўлгани ҳақида хабар берилган эди. “Миллар”да уй қасддан ёқиб юборилгани маълум қилинди.
7 апрель куни соат 14:31 да Тошкент шаҳар Сергели тумани, Қурувчилар даҳасида жойлашган кўп қаватли уйда ёнғин содир бўлаётгани тўғрисида Тошкент шаҳар ФВБга хабар тушган.
Бошқарма ёнғин оқибатида ҳалок бўлган ва жабрланганлар йўқлигини таъкидлаган эди. Бироқ, маълум бўлишича, хонадондан 2 нафар йигит пичоқланган ҳолатда топилган.
Воқеа тафсилоти
Гумонланувчи йигит Сергели туманидаги танишининг уйига меҳмонга келган. Кутилмаганда улар ўртасида келишмовчилик содир бўлган. Шундан сўнг йигит ошхонадаги пичоқ билан икки нафар йигитга тан жароҳати етказган. Йигитлар шифохонага етказилган.
Шифокорлар берган маълумотларга кўра, йигитлар жарроҳлик амалиётини бошдан ўтказган ва уларнинг ҳаёти сақлаб қолинган. Улардан бири беш маротаба, яна бири эса 7 маротаба пичоқлангани айтилган.
Гумонланувчи воқеа жойидан қочиб кетган. Уйни жиноят содир этгач ёқиб юборгани айтилмоқда. Бош прокуратура ҳолат юзасидан жиноят иши қўзғатилганини, гумонланувчи эса қўлга олинганини маълум қилди.
Сўнгги вақтларда содир бўлган ёнғинлар
20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.
31 декабрь куни Чилонзор туманидаги овқат тайёрлаш жойида ёнғин содир бўлган эди.
2025 йил 25 февраль куни Тошкент шаҳрининг Яшнобод тумани, Авиасозлар 4-даҳасида жойлашган автомобиллар ювиш жойида ёнғин содир бўлганди.
Изоҳ (0)