Ижтимоий тармоқларда эркак бир аёлни судрагани акс этган видео тарқалиб, муҳокамаларга сабаб бўлмоқда. Вилоят ИИБ ҳолатга изоҳ берди.
Маълум қилинишича, 27 сентябрь куни Олтиариқ тумани “Қапчуғай” маҳалласида ўзаро қариндош бўлган видеотасвирдаги эркак ва аёл ўртасида келишмовчилик сабабли жанжал келиб чиққан.
Мазкур ҳолат шу куннинг ўзида Олтиариқ туман ИИБ томонидан рўйхатга олиниб, аёлнинг тан жароҳатлари оғирлик даражасини аниқлаш мақсадида суд тиббий экспертизаси тайинланган.
Ҳозирда ҳолат юзасидан терговга қадар текширув ҳаракатлари олиб борилмоқда. Якунига кўра қонуний қарор қабул қилиниши таъминланади.
Бундан аввал Бухоро вилоятининг Бухоро туманидаги “Работак” маҳалласида яшовчи 50 ёшли эркак 24 ёшли аёлни пичоқлаб ўлдиргани ҳақида хабар берилганди. Аёл унинг учинчи хотини бўлган.
Изоҳ (0)