Камеруннинг 92 ёшли президенти Паул Бия октябрда бўлиб ўтадиган президентлик сайловларида саккизинчи маротаба ўз номзодини қўйишини маълум қилди. Бу ҳақда AP News хабар берди.

Мамлакатда кўпчилик Паул Биянинг сайловда қатнашмаслигини тахмин қилаётганди. У Африка қитъасида энг узоқ муддат президентлик қилаётган иккинчи раҳбар саналади. Бу борада у Экваториал Гвинея президенти Теодоро Обиангдан кейинги ўринда туради.
Президент сўнгги пайтларда тез-тез касал бўлиб, чет элга даволаниш учун бориб туриши ҳақида маълумотлар бор. Шу билан бирга, 2024 йили унинг ўлгани ҳақида миш-мишлар тарқалганди. Мамлакат ҳукумати эса бу маълумотни рад этган.
Камерун 1960 йилда Франциядан мустақилликка эришган. Шундан сўнг, Бия мамлакатнинг иккинчи президенти бўлиб, 1982 йилда ҳокимият тепасига келган. У охирги марта 2018 йилги президентлик сайловида 70 фоиздан ортиқ овоз билан ғалаба қозонганди.
“Сизга хизмат қилишда қатъият билан давом этаман. Бунга ишончингиз комил бўлсин”, деган Бия ижтимоий тармоқлардан бирида халқига юзланиб.
Ҳуқуқшунос Нконго Феликс Паул Биянинг қарорини қуйидагича изоҳлади:
“Биянинг президентликка яна ўз номзодини қўйиши Камерунда сиёсий ўзгаришларга йўл йўқлигидан далолат беради. 40 йилдан ортиқ ҳукмронликдан кейин мамлакатга янгиланиш керак — такрорланиш эмас. Камерунликлар демократик ўзгаришлар ва масъулиятли ҳукмронликка лойиқ”.
Маълумот учун, Камерун нафақат Африка, балки дунёнинг энг қашшоқ давлатларидан бири. Мамлакатда ЯИМ кўрсаткичи аҳоли жон бошига 2 000 АҚШ долларидан кам.
Изоҳ (0)