Қирғизистон Вазирлар Маҳкамаси раиси ўринбосари Эдил Байсалов амалдаги президент Садир Жапаров иккинчи муддатга президентликка сайланишини маълум қилди. У бу маълумотни у Azattyk радиосидаги Expert Таlday дастурида айтди.
“Президентимиз навбатдаги сайловларда иштирок этади. Конституция бунга йўл қўяди. У бошлаган ишини ярим йўлда қолдирмайди. Халқ эса бунга йўл қўймайди. Келгуси уч йилда халқ кўп ютуқларга гувоҳ бўлади”, — дейди Байсалов.
Эслатиб ўтамиз, Садир Жапаров ҳам, унинг администрацияси ҳам навбатдаги президентлик сайловларида иштирок этиш бўйича ҳозирча расмий баёнот бергани йўқ. 2023 йил декабрь ойи ўрталарида Миллий хавфсизлик давлат қўмитаси раҳбари Қамчибек Ташиев Садир Жапаров иккинчи муддатга сайланишига ишора қилган эди.
Амалдаги Конституция (2021 йил апрель ойида қабул қилинган) бир шахсга икки марта олти йилгача президентлик лавозимини эгаллаш имконини беради. Қирғизистонда навбатдаги президентлик сайловлари 2027 йил январида бўлиб ўтиши режалаштирилган.
Изоҳ (0)