Исроил армияси 2 июнь куни Ямандан учирилган ракетани уриб туширди. Бу ҳақда Arab News хабар берди.
“Исроил ҳудудларида янграган сиреналардан сўнг Ямандан учирилган ракета уриб туширилди”, дейилади армия баёнотида.
Ҳусийларнинг ҳарбий вакили Яҳё Сари видеомурожаатида гуруҳнинг ракета кучлари Тель-Авив яқинидаги Бен Гурион халқаро аэропортига қарши ҳарбий амалиёт ўтказганини тан олган.
Яманнинг ҳусийлари 2023 йил октябрида ҲАМАС Исроилга қарши уруш бошлагандан бери яҳудий давлатига бир неча бор ракета ва дронлар учирган. Фаластинликлар билан бирдамликда ҳаракат қилаётгани айтилган ҳусийлар Ғазода ўт очиш сулҳи тугаганидан бери қайта ҳарбий ҳаракатлар бошлаган.
Ракеталарнинг аксарияти уриб туширилган бўлса-да, май ойида улардан бири Бен Гурион аэропорти ҳудудига қулаган. Исроил бу ҳужумларга жавобан Яманга бир нечта жумладан, пойтахт Санадаги порт ва аэропортларга зарба берган.
Изоҳ (0)