Ўзбекистонда Ўрмон агентлиги ташкил этилади. Бу ҳақда “Яшил макон” умуммиллий лойиҳаси доирасида ҳамда ўрмонларни бошқариш тизимида ислоҳотларни изчил давом эттириш, яшил ҳудудларни кенгайтириш чора-тадбирлари тўғрисида”ги президент фармонида белгиланди.
-Sz6aIenT.avif)
Унга кўра, Экология вазирлиги ҳузуридаги Ўрмон хўжалиги агентлиги негизида Ўрмон ва яшил ҳудудларни кўпайтириш, чўлланишга қариши курашиш агентлиги ташкил этилади.
Ўрмон агентлиги:
- барча ўрмонларнинг давлат ҳисобини ҳамда давлат ўрмон кадастрини тузади ва юритади;
- Яшил макон” умуммиллий лойиҳасини амалга ошириш, кўчатчиликни ривожлантириш, дарахт ва бута кўчатлари питомникларини кўпайтириш бўйича республика ижро этувчи ҳокимият органи ҳисобланади.
Ҳужжатда белгиланишича, Экология вазирлиги манфаатдор вазирлик ва идоралар билан биргаликда “Яшил макон” электрон платформасида 2026 йил 1 сентябрга қадар чўл ва ярим чўл ҳудудларида яшил майдонларни кўпайтиришга қаратилган дастурлар амалга оширилишининг натижасини ҳар чоракда кузатиш ҳамда ҳудудларда экологик ҳолатни тизимли мониторинг қилиб бориш имконияти яратилишини таъминлаши керак.
2025 йил 1 ноябрдан бошлаб ўрмон фонди ер майдонлари алоҳида муҳофаза этилади ва уларнинг тоифасини ўзгартириш президент қарорига мувофиқ амалга оширилади.
Президент фармони билан “Яшил макон” электрон платформасида очиқлик янада таъминланади. Ўрмон фондига кирмайдиган дарахт ва буталарнинг қимматбаҳо навларини қонунга хилоф равишда кесган ёки йўқ қилган шахслар томонидан компенсация сифатида экилган дарахт ва бута кўчатлари ҳисобини юритиш тизимини жорий қилинади.
Изоҳ (0)