Америкалик Мо Кеннеди исмли аёл ухлаётганида тасодифан AirPods Pro наушникларидан бирини ютиб юборди. Ғалати туш сифатида бошланган воқеа ярим тунда тез ёрдам бўлимига унутилмас саёҳат билан давом этди.
.jpg)
Аввалига аёл қулоқчинни организмидан чиқариб юбориши учун ўзида қайт қилиш истагини юзага келтирмоқчи бўлган, бироқ унинг уринишлари натижа бермаган. У хавфли вазият юзага келмасдан олдин тез ёрдам чақиришга қарор қилган. Бемор бўлинмага етиб келгач, шифокорлар вазият ва ютиб юборилган қулоқчиннинг ишлашда давом этганидан ҳайратда қолган. Кеннедининг онаси AirPods Pro’га уланиб, қизининг ошқозон товушлари ва кулгисини эшита олган.
Компьютер томографияси текшируви ўтказилгандан сўнг, тиббий гуруҳ қулоқчин тезда ошқозонга чуқурроқ кириб кетганини ва хавфли ҳолатда қолиб кетганини аниқлади. Муаммо инвазив жарроҳлик амалиётигача етиб бориши ҳақида хавотирлар бўлганлиги сабабли шифокорлар шошилинч эндоскопия ўтказишга қарор қилди.
Наркоз олган беморнинг организмидаги бегона жисмни олиб ташлаш жараёни муваффақиятли ўтди. Кеннеди уйғонганида, қучоғида ичига қулоқчин солинган идишни кўрган. У тиббиёт ходимларига миннатдорчилик билдирган.
“Умуман олганда, мен 100 фоиз AirPods Pro’ни тавсия қиламан, бироқ 1000 фоиз уларни ейишни тавсия этмайман. Аҳволим яхши эканлигидан хурсандман ва қулоқчинларнинг камида 9 соат давомида ошқозон кислотасига чидамлилигини тасодифан синаб кўрганимдан мамнунман”, — дейди Мо Кеннеди.
Бу охирги йиллардаги биринчи ҳолат эмас. Яқинда яна бир аёл AirPods Pro’ни витамин деб адашиб ютиб юборганди.
Изоҳ (0)