MSCHF креатив компанияси AirPods билан бир хил кўринишга эга ширинликларни ишлаб чиқарди. Бу ҳақда Europaplus нашри хабар берди. Компания сайтида ёзилишича, 50 долларлик мазкур ширин наушниклар тўпламининг биринчи партияси қисқа фурсатда сотилди.
Янги наушниклар кўринишдан ҳақиқий Apple гаджетидек, у фақат қутидаги машҳур тишланган олма логотипи билан фарқ қилади. Ширин AirPods’да машҳур олма икки ёндан тишлаб олинган.
“Мазкур бир жуфт AirPods қулоқчинлари ўзининг эргономик шакли билан ажралиб туради, таъми эса сизга ялпиз каби хушбўйлик бахш этади, — дея компания ўз маҳсулотини тақдим этди.
Ширинлик диабетга чалинганлар учун шакар ўрнини босувчи маҳсулот — изомалитдан тайёрланган. Бир дона қулоқчин конфетнинг озуқавий қиймати 10 килокалория. Ишлаб чиқарувчилар маҳсулот таркибида GMO, сунъий ёғлар ва аллергенлар йўқлигига кафолат беради.
Маълумот учун: MSCHF компанияси ўзининг баҳсли нашрлар ва жанжалли маркетинг стратегияси туфайли қисқа вақтда АҚШда машҳурликка эришган. Компания 2016 йил Габриэль Уэйли томонидан ташкил этилган. MSCHF сўзининг ўзи “mischief” дан олинган бўлиб, қора ҳазил, шўхлик, пранк деган маънони англатади.
Изоҳ (0)