Бугун, 9 сентябрь куни Apple компанияси анъанавий янги маҳсулотлар тақдимотини ўтказди. Тақдимот ўзгача кўринишда бўлди: Тим Кук бошчилигидаги компания мутахассислари саҳнада эмас, очиқ ҳавода янги қурилмалар ҳақида гапириб беришди.
Apple Watch Series 10
Янги Apple Watch Series 10 соати Ultra услубидаги янги дизайнга, шунингдек, каттароқ дисплейга эга бўлиши маълум қилинди. Бундан ташқари, у Apple Watch Series 9 дан 40 фоиз ёрқинроқ бўлади. Ҳошияси янада юпқароқ кўринишга эга.
Ушбу соат линия тарихидаги энг тез қувватланади: 0 дан 80 фоизгача қувватни атиги 30 дақиқада тўлдириш мумкин. Зарядлашсиз 18 соатгача ишлаши мумкин. Шунингдек, аввалги соатларга қараганда анча енгил бўлиши маълум қилинди.
Нархи: Apple Wаtch Series 10 нархлари GPS ва модемли версия учун 400 ва 500 доллардан бошланади.
АirPods 4
Apple тўртинчи авлод АirPods қулоқчинларини тақдим этди. Компания уларни янада қулайроқ қилиш учун шаклини бир оз ўзгартирди.
_large-mWIFFTO0.jpg)
Эндиликда янги авлод Apple АirPods қулоқчинлари билан қўнғироқларга бошингизни қимирлатиб жавоб беришингиз мумкин.
Кўчада мулоқот қилиш учун махсус режим қўшилган — суҳбат бошлаганингизда мусиқа автоматик ўчади.
Нархи: АirPods 4 нинг нархи 129 долларга, шовқинни “йўқотувчи” хусусиятга эга қулоқчин эса 149 долларга таклиф қилинмоқда.
Иккала версия ҳам USB-C ва симсиз зарядлашни қўллаб-қувватлайдиган зарядлаш қутисига эга. Ишлаш муддати 30 соатни ташкил қилади.
iPhone 16
Янги iPhone 16 смартфони қора, пушти, яшил, оқ ва кўк рангларда чиқарилиши маълум қилинди.
Смартфоннинг энг муҳим жиҳатлари:
— Камералар яна 2 та бўлди ва анча яхшиланди;
— фото учун алоҳида тугмача пайдо бўлди;
— iPhone15 дан 40 фоиз тезроқ.
— янги А18 чипга эга;
— Apple Intelligence сунъий интеллектига эга. Камерани бирор нарсага қаратинг ва iPhone сизга ўша нарса ҳақида барча маълумотни тақдим қилади;
— экран яхшиланди, энди ҳамма нарса жазирама қуёш остида ҳам кўринади;
— фотосуратларни қайта ишлаш анча бойиди, керакциз ҳамма нарсани бир марта босиш билан ўчириб ташлашингиз мумкин.
Нархи: оддий версия 799 доллардан, Plus — 899 доллардан бошланади.
Барча маҳсулотлар сотуви 20 сентябрдан бошланиши маълум қилинди.
Изоҳ (0)