Қашқадарё вилоят мактабгача ва мактаб таълими бошқармаси кўмир маҳсулотларини ташиш хизмати учун ўтказилган тендер бекор қилинди. Бу ҳақда Коррупцияга қарши курашиш агентлиги “Дарё”га маълум қилди.
Мактабгача ва мактаб таълими вазирлигининг Қашқадарё вилояти бошқармаси вилоятнинг 7 та тумани ва Шаҳрисабз шаҳар кўмир омборларидан ҳудудлардаги 832 та мактаб ва боғчаларга кўмир етказиш бўйича тендер ўтказганди. Унда “Транспорт техно” МЧЖ ғолиб бўлган эди.
Антикоррупция агентлиги мазкур тендерда иштирокчиларга адолатсиз баҳо қўйилиб, хизмат учун паст нарх таклиф қилган корхоналар мағлуб бўлганини, шу сабаб танлов натижалари бекор қилинишини сўраб вазирлик ҳамда бошқармага тақдимнома киритганди. Шунга қарамай, 23 июнда бошқарма “Транспорт техно” МЧЖ билан шартнома тузган.
Агентлик ахборот хизматининг “Дарё”га маълум қилишича, ҳозирда Қашқадарё вилоят мактабгача ва мактаб таълими бошқармаси томонидан ўтказилган тендер бекор қилинган.
Изоҳ (0)