Қашқадарё вилоятининг Деҳқонобод туманида 27 октябрь — Қонунчилик палатаси ва маҳаллий кенгашлар депутатлигига сайлов куни бир фуқаро бошқа фуқаро хонадонига кириб, кекса аёлга пичоқ ўқталгани айтилмоқда. Бу ҳақда “Дарё”га жабрланган оила вакиллари хабар бермоқда.
Уйимизга бостириб кириб, эркаклар уйда йўқ пайти пичоқ олиб кириб онамга пичоқ ўқталган йигит ўзимизнинг куёвимиз бўлади. Минг афсуски, ўша куни уйда фақат аёллар бўлган. Улар қўрқиб кетиб, 102 га қўнғироқ қилишган. Аммо ҳолатни ўрганган “участкавой” уйга пичоқ олиб кирган куёвимизнинг таниши бўлгани учун ишни ёпмоқда, дейди мурожаатчилар.
Кекса аёлга пичоқ ўқталиш воқеаси туманнинг чекка қишлоғида бўлган.
Аслида синглимиз эри билан тортишиб қолиб, уйга қайтган бўлган. Куёв эса уни она ҳовлисига излаб келиб, онамга пичоқ тираган ва топиб беришини сўраган. 102 га қилинган мурожаат “участкавой”нинг хоҳишига қараб ёпилиб ҳам кетиши мумкинми?, дейди мурожаатчи.
Қашқадарё вилоят ИИБ ахборот хизмати воқеа содир бўлганини тасдиқлар экан, ҳолат юзасидан қонуний чора кўрилишини айтди.
Ҳолат юзасидан терговга қадар суриштирув ишлари олиб борилмоқда, дейди “Дарё”нинг бу ҳақдаги сўровига жавоб берган масъул.
Изоҳ (0)