Бирлашган Араб Амирликларида Jazirah Aviation Club авиакомпаниясига тегишли енгил моторли самолёт денгизга қулаб тушди. Бу ҳақда Khaleej Times хабар берди.
Маълум қилинишича, авиаҳалокат оқибатида учувчи ва ҳамроҳи ҳалок бўлган. Марҳумлар орасида БААда туғилиб ўсган 26 ёшли ҳинд шифокори Сулаймон Ал Мажид бор. Унинг отаси Мажид Мукаррамга кўра, ҳалокат Cове Ротана меҳмонхонаси яқинида соат 14:00 да парвоздан кўп ўтмай содир бўлган. Авиаҳалокатда 29 ёшли покистонлик аёл учувчи ҳам ҳаётдан кўз юмган.
Ишчи гуруҳлар ва тегишли органлар ҳалокат сабабларини аниқлаш бўйича терговни давом эттирмоқда. БАА фуқаро авиация хизмати қурбонларнинг оила аъзолари ва яқинларига ҳамдардлик билдирган.
Бу самолёт иштирокида бир ҳафтадан юз берган тўртинчи ҳодисадир. Аввалгилари:
♦ 25 декабрь куни Қозоғистоннинг Оқтов шаҳрида юз берди. Озарбайжон самолёти қулаши оқибатида 38 киши ҳалок бўлди, 29 киши омон қолди. Авиатехника кўздан кечирилганида тешиклар аниқланди. Озарбайжон президенти самолёт Грозний яқинида ўққа тутилгани, бу самолётни ишдан чиқарганини айтди. Илҳом Алиев Россиядан узр сўраш, айбдорларни жазолаш ва компенсация тўлашни талаб қилди.
♦ 29 декабрь куни Жанубий Кореяда Бангкокдан Муанга парвоз қилаётган Jeju Air авиакомпаниясининг Boeing 737-800 самолёти белгиланган аэропортга қўнаётганда ёниб кетди. Ҳодиса оқибатида 179 киши ҳалок бўлди, икки кишига омон қолди. Ҳолат юзасидан Кореяда 7 кунлик мотам эълон қилинди.
♦ 29 декабрь куни Boeing 737-800 самолёти Осло шаҳрига фавқулодда қўнишни амалга оширди. Амстердамга учаётган самолёт гидравликасида носозлик юз берган. Самолёт Осло аэропортига қўниш чоғида учиш-қўниш йўлагидан чиқиб кетиб, ўтлар устида тўхтаган. ОАВ ҳеч ким жабрланмагани, йўловчилар эвакуация қилингани ҳақида ёзмоқда.
Изоҳ (0)