Ўзбекистон терма жамоаси ҳужумчиси Элдор Шомуродов Истанбулнинг “Башакшеҳир” клуби билан шартнома имзолади. Футболчи YouTube’даги “90minut” подкастида Туркия жамоаси билан шартнома имзолаш сабабларини айтиб ўтди.
Ҳужумчининг сўзларига кўра, Осиёнинг турли клубларидан, хусусан Бирлашган Араб Амирликлари ва Қатар чемпионатларидан ҳам таклифлар бўлган:
БАА ва Қатар клубларидан, шунингдек, Туркиянинг бошқа жамоаларидан ҳам таклифлар бор эди. Нима учун “Башакшеҳир”ни танладим? Чунки улар ёш клуб ҳисобланади. Бошқа йирик жамоаларга нисбатан босим камроқ. Жамоа Конференциялар Лигасида иштирок этади, шунинг учун етарли ўйин амалиёти бўлади. Бу эса Жаҳон чемпионатига яхши тайёргарлик кўришга ёрдам беради, деб ўйлайман, — деди Шомуродов.
Маълумот учун, ҳужумчи “Рома”дан “Башакшеҳир”га ижара асосида ўтган. Шомуродов 2026 йил ёзигача истанбулликлар шарафини ҳимоя қилади. Шунингдек, битимда мажбурий сотиб олиш банди ҳам мавжуд.
Изоҳ (0)