Тошкентдаги меҳрибонлик уйи тарбияланувчиси “самосуд” қилингани ҳақида видеолар тарқалиб, кенг муҳокамаларга сабаб бўлди. Тошкент вилояти ИИББ матбуот хизмати ҳолат юзасидан маълумот берди.
Бўстонлиқ тумани ИИБ томонидан олиб борилган дастлабки суриштирув натижаларига кўра, видеодаги ҳолат 5 август куни Тошкент вилояти Бўстонлиқ тумани “Қизил сув” маҳалласида жойлашган меҳрибонлик уйи оромгоҳида (Чилонзор туманидаги 22-сонли меҳрибонлик уйидан келган) тарбияланувчилар ўртасида содир бўлган.
Оромгоҳга дам олишга келган 3 нафар 16 ёшли тарбияланувчи — С.Х., Д.И. ва В.Л. ўзаро жанжаллашган ва ушбу ҳолатни бошқа бир тарбияланувчи видеотасвирга олиб, ижтимоий тармоқларга тарқатган.
Ҳозирда ҳолат юзасидан ҳудудий ички ишлар бошқармаси ходимлари томонидан терговга қадар текширув ҳаракатлари олиб борилмоқда.
Ижтимоий ҳимоя миллий агентлиги ҳам ҳолатга муносабат билдириб, Миллий гвардия масъулларидан иборат ишчи гуруҳ томонидан ўрганиш ишлари олиб борилаётганини билдирди.
Изоҳ (0)