Бухорода Қизил китобга киритилган балиқларни ноқонуний овлаган тўрт нафар фуқарога суд томонидан жазо тайинланди.
Экология, атроф-муҳитни муҳофаза қилиш ва иқлим ўзгариши вазирлиги матбуот хизматининг хабар қилишича, ушбу фуқаролар 2023 йил 16 декабрида Оғитма кўлидан Қизил китобга киритилган 12 дона Туркистон мўйловдори, 7 дона товонбалиқ, 17 дона зоғора ҳамда 1 дона мойбалиқни тақиқланган усулда, яъни тўр ёрдамида овлаган.
Натижада табиатга 292 миллион 162 минг сўм зарар етказилган ва ҳужжатлар судга тақдим этилган.
Ҳолат юзасидан уч нафар ҳуқуқбузарга нисбатан Жиноят кодекси 202-моддаси 3-қисми билан 4 йил 6 ой муддатга озодликни чеклаш жазоси тайинланди. Яна бир ҳуқуқбузар Жиноят кодекси 202-моддаси 3-қисмининг “г”, “э”, “ж” бандлари билан Жиноят кодексининг 57-моддаси қўлланиб, 2 йил муддатга озодликдан маҳрум қилинди.
Изоҳ (0)