Юлдузлар барча расмий тадбирларга ва қизил йўлакларга ташриф буюришда профессионал стилистлар томонидан тайёрланишига қарамай баъзида муваффақиятсизликка ҳам учраб турадилар. Стилистнинг кичик хатоси ҳам юлдузнинг обрўсига путур етказиши мумкин. Голливуд машҳурларига қизил йўлак масхара майдонига айланиб қолмаслиги учун улар ўз образидаги ҳар бир элементни ўйлаб кўришлари керак. Қуйида Голливуд машҳурларининг қизил йўлакларда содир бўлган энг шов-шувли ва жанжалли бюти-муваффақиятсизликларини тўпладик.
Мадонна ва унинг “Гремми”даги ғалати юзи
Поп юлдузнинг омма олдига ҳар бир чиқиши бутун бир воқеа бўлиб, у бир неча кун давомида оммавий ахборот воситаларида муҳокама қилинади. 2023 йилда Мадонна “Гремми” мукофотига қора костюм ва макси юбкада ташриф буюрди. Унинг ёрқин қиёфаси тўқ кўк пошнали туфлилар билан тўлдирилган ҳолда шов-шувга сабаб бўлиши керак эди. Аммо диққат марказида қўшиқчининг либоси ва ҳатто мусиқий ютуқлари ҳам эмас эди. Одамлар ташқи кўринишдаги аниқ ўзгаришларни муҳокама қила бошладилар.
Мадонна саҳнада жуда шишган юз ва унинг ғайритабиий нисбатлари билан пайдо бўлди. Мухлислар хонанданинг филлерлар билан тўлдирилган юзини зўрға танидилар. Муваффақиятсиз операциялар ҳақида интернетда қизғин баҳслар бошланди. Пластик жарроҳнинг буни фош қилиши эса оловга мой сепди.
Мадонна ижтимоий тармоқларда бу ҳолатга изоҳ бериб, “шишган” юз эффекти ёмон ракурслар ва камера объективи туфайли юзага келганини таъкидлади. У пластик аралашувлар фактини инкор этмади, лекин тафсилотларга урғу бермади. “Агар сизни иғвогар ва хавфли деб аташса, демак, сиз ҳамма нарсани тўғри қиляпсиз”, деди у, чунки жанжаллар ҳар доим унинг имижининг бир қисми бўлган.
Кристина Агилера сунъий қорайиш қурбони
2000 йилларнинг ўрталарида Кристина Агилера норасмий равишда автозагар амбассадори ҳисобланарди. Голливуд юлдузи ҳеч қачон омма олдига загарсиз чиқмаган, жозибали “пляж” кўриниши поп қўшиқчининг ўзига хос имзоси эди.
Вақт ўтмоқда, трендлар ўзгармоқда, аммо Агилера ҳамон автозагарлар ва бронзаторлардан воз кечганича йўқ. Бир сафар омма олдига чиқиш пайтида хонанда иссиқ ҳаво туфайли жуда терлаб кетди, натижада тана бўйлаб суртилган бронзатор оқиб тушди. Буни эътиборли томошабинлардан яширишнинг иложи бўлмади — суратлар мемларга айланиб кетди. Миш-мишларга кўра, бу воқеадан кейин Кристина Агилера танада узоқ вақт сақланадиган кучли қорайтириш воситаларига ўтган.
Деми Мур Fendi кўргазмасида — музлатилган юз
2021 йилда Деми Мур Париж мода ҳафталиги доирасида ўтказилган Fendi кўргазмасини нафис қора либосда очди. Аммо кутилган олқишлар ўрнига томошабинлар ҳайратдан қотиб қолишди. Актрисанинг ўзгариб кетган юзини кўрган ҳамма бир зумда унинг кийимини унутди. Голливуд юлдузини шунчаки таниб бўлмасди: гўё кесиб олингандек ўткир ёноқлари ва ғайритабиий кўтарилган юқори лаби барчани ҳайратда қолдирди.
Ижтимоий тармоқлар бу ҳақидаги изоҳлардан портлаб кетди. Шарҳловчилар салбий фикрларини уялмай айтишди, актрисани ҳақорат қилишди ва уни ёшаришга бўлган муваффақиятсиз уринишларда айблашди. Деми Мур мухлисларни тинчлантиришга ҳаракат қилди: унинг ғалати юзи пластик жарроҳларнинг аралашуви натижаси эмас, балки визажистларнинг тажрибасизлиги эди.
Кети Перри ва оқ қошлар тажрибаси
Кети Перри ташқи кўринишидаги ёрқин ўзгаришларга бўлган муҳаббати билан танилган. 2016 йил у машҳур Мет Гала балида Prada брендининг бахмал кўйлаги ва минорасимон баланд соч турмаги билан эътиборни тортган бўлсада, унинг рангсиз қошлари кўпроқ изоҳларга сабаб бўлди. Ёрқин макияж ва оқартирилган қошлар фонида кўзлар йўқолиб кетгандек туюлди. Натижада Кети Перри ғалати кўринарди. Ҳатто ижтимоий тармоқлардаги унинг содиқ мухлислар ҳам Кети “ҳаддан ошиб кетган” деб изоҳлар қолдиришди. Хонанда ташқи кўриниши ҳақида тушунтириш бермади, лекин тез орада қуюқ қошлар ва рангли бўяниш билан яна классик услубига қайтди.
Анжелина Жоли — юздаги оқ упа
2014 йилда “Оддий юрак” фильмининг премерасида Анжелина Жоли юзида унни эслатувчи оқ излар билан порлади. Актриса гўёки ошхонадан қизил гилам тўшалган йўлакка ўтгандек бўлди. Оддий ёруғликда унинг пардози бенуқсон кўринарди, бироқ фотоаппарат чироғи ёқилиши биланоқ, сочилувчан пудра (упа) кукуни бутун гўзаллиги билан намоён бўларди.
Унинг визажисти ёрқин ёруғликда пардоз қандай кўринишини шунчаки ҳисобга олмаган. Бу хато бир зумда вирусга айланди: суратлар ижтимоий тармоқларда тарқалиб, мемлар ва масхаралар тўлқинини келтириб чиқарди. Шарҳловчилар актрисага стилистни зудлик билан алмаштиришни маслаҳат беришди. Тез орада бу тузоққа бошқа машҳурлар ҳам тушди: Ким Кардашьян, Никол Кидман, Ева Лонгория ва Ума Турман ҳам упали юзда омма олдида пайдо бўлишди.
Ташқи кўриниш катта рол ўйнайдиган саноатда, ҳатто кичик хатолар ҳам қимматга тушиши мумкин. Юлдузларнинг ҳеч бири тасодифий хато уни кулгига айлантириб қўйишидан кафолатланмаган.
Изоҳ (0)