Ишониш қийин, лекин кино тарихидаги энг машҳур фильмлардан бири — “Титаник”да бутунлай бошқа актёр ўйнаши мумкин эди. Севги қурбони Жек Доусон образи Леонардо Дикаприога эмас, балки мутлақо бошқача услуб ва овозга эга бўлган бошқа актёрга насиб этган бўларди.
Жеймс Кемероннинг фильми 1997 йилда экранларга чиқди ва шу заҳотиёқ шедеврга айланди. У Дикаприони жаҳон юлдузига айлантирди, дунёга Жек ва Роузнинг машҳур жуфтлигини тақдим этди. Фильм бир вақтнинг ўзида 11 та “Оскар” мукофоти ва рекорд даражадаги касса даромадларини қўлга киритди.
Аммо бош ролга актёр танлаш ҳақидаги қарор унчалик осон бўлмаганини кўпчилик билмайди. Бир пайтлар фильм ижодкорлари Меттю Макконахи номзодини жиддий кўриб чиқишган.
Бу ҳақда кўп йиллар давомида Кемерон билан ҳамкорлик қилган продюсер Жон Ландау ўз хотираларида шундай ёзади:
Биз уни Кейт (Уинслет) билан бўлган саҳнани суратга олишга таклиф қилдик. Меттю чўзиқ (техасча) талаффуз билан ролини ижро этди. Жим (Кемерон): “Жуда соз, энди бошқача қилиб кўрайлик”, деди. Меттю эса: “Йўқ, жуда яхши чиқди, раҳмат”, деб жавоб берди. Айтиш мумкинки, Макконахи учун шу билан ҳаммаси тугади.
Бир оғиз сўз ва қайсарлик сабаб рол бошқага ўтиб кетади. Бугунги кунда “Титаник”да ёш Дикаприодан бошқа ҳеч кимни тасаввур қилиб бўлмайди. Унинг Жеки романтика, эркинлик ва фожиали муҳаббат тимсолига айланди. Аммо воқеалар бутунлай бошқача кечиши ҳам мумкин эди.
Изоҳ (0)