Ўзбекистонда жисмоний шахсларга тегишли машиналар сони 4,6 миллиондан ошди. Бу ҳақда Миллий статистика қўмитаси хабар қилди.
Маълумотларга кўра, 2025 йилнинг 1 июль ҳолатига Ўзбекистонда жисмоний шахсларга тегишли 4 612,7 мингта автотранспорт воситаси рўйхатга олинган. Уларнинг 93 фоизини енгил автомобиллар ташкил этди.
Бу кўрсаткич ўтган йилнинг мос даврига қараганда 441,5 мингтага юқори. Январь июнь ойларидаги кузатув натижаларига кўра, ҳар 100 та уй хўжалигига ўртача 59 та енгил автомобиль тўғри келган. 2010 йилда ушбу рақамлар 21 тани ташкил этганди.
Жисмоний шахсларга тегишли автотранспорт воситаларининг турлари бўйича сони қуйидагича:
- енгил автомобиллар — 4 289,0 минг дона;
- юк автомобиллари — 302,6 минг дона;
- микроавтобуслар — 7,7 минг дона;
- махсус транспорт воситалари — 7,3 минг дона;
- автобуслар — 6,1 минг дона.
Жорий йилнинг илк 4 ойида энг кўп ишлаб чиқарилган енгил автомобиль Cobalt бўлганди. Январь апрель ойларида 44 747 дона шу русумдаги машина йиғилган.
Изоҳ (0)