Давлат активларини бошқариш агентлиги Тошкент шаҳри, Мирзо Улуғбек туманида жойлашган маъмурий бино “E-auksion” электрон савдо платформасига чиқарилганини маълум қилади.
Умумий майдони 5000 кв.метрни, ер участкасининг майдони эса 35 сотихни ташкил қилувчи ва барча коммуникация тармоқлари ҳамда хусусий автотураргоҳга эга ушбу объектнинг бошланғич нархи 100 миллиард 273 миллион сўм этиб белгиланган.
Ўзбекистон Республикаси Вазирлар Маҳкамасининг 01.08.2022 йилдаги 420-сон қарорига асосан муддатли бўлиб тўлаш шарти билан сотилган давлат активлари бўйича камида 35 фоиз миқдоридаги дастлабки тўловни бир йўла амалга оширган харидорларга мазкур давлат активини кредит таъминоти сифатида гаровга қўйиш ҳуқуқи берилади. Агар харидор олди-сотди шартномаси тузилган кундан бошлаб бир ой ичида сотиб олиш тўловларини тўлиқ амалга оширса, сотиб олиш тўловлари суммасидан олди-сотди шартномаси тузилган санадаги Ўзбекистон Республикаси Марказий банкининг йиллик қайта молиялаштириш ставкасига тенг миқдорда чегирма берилиши кўрсатиб ўтилган.
Бинони сотиб олиш учун аризалар 28 июль куни Тошкент вақти билан соат 9:00 гача қабул қилинади ҳамда кимошди савдоси соат 10:00 да бошланади.
“E-auksion” платформасида ўтказиладиган шаффоф аукционларда иштирок этинг! Барча давлат активлари билан танишиш учун ушбу ҳавола орқали ўтишингиз мумкин.
Кўпроқ мулклар билан танишиш учун @onlineаукционуз
Реклама ҳуқуқи асосида.
Изоҳ (0)