2025 йилнинг энг кассабоп ҳинд фильмлари

Касса йиғимлари қайсидир маънода фильмнинг қанчалик муваффақиятли чиққанини акс эттирадиган кўрсаткич ҳисобланади. 2025 йил ҳали якунланмаган бўлса-да, биз аллақачон энг кўп даромад келтирган ҳинд фильмларини муҳокама қилмоқчимиз.

5-ўрин — “Жасур”

Фильм ҳақида қисқача:

Узоқ қишлоқдаги шафқатсиз жиноятчи Ранатунга (Рандип Ҳуда) маҳаллий аҳолини ваҳимага солиб келади. Мусофир (Санни Деол)нинг тасодифан унинг одамлари билан учрашиши қишлоқ аҳолисининг азоб-уқубатларини фош этади. Чуқур илдиз отган коррупцияни англаб, у вазиятни ўз назоратига олади. Ҳақиқат ва адолат учун курашиб, Ранатунга билан сўнгги жангга отланади.

Бюджет: 9 600 000 доллар

Биринчи кундаги даромад: 166 000 доллар

Ҳиндистондаги даромад: 12 300 000 доллар

Жаҳон бўйича даромад: 14 000 доллар

Фильм ўз харажатларини 2 баравардан кўпроқ қоплади.

4-ўрин — “Осмон ҳукмдорлари”

Фильм ҳақида қисқача:

Ушбу фильм ҳиссиётлар ва жасорат ҳақидаги ижобий, самимий картина бўлиб унда бош ролни Акшай Кумар ижро этган. Режиссёрлар одатда ҳарбий драмаларда Ҳиндистон ва Покистон ўртасидаги муносабатларни бўрттириб кўрсатишга мойил бўлишади. “Осмон ҳукмдорлари”да эса миллатчилик камайтирилиб, аскарлар ўртасида ўзаро ҳурмат туйғуси акс эттирилган.

Бу ҳикояда Ҳиндистон ҳарбий-ҳаво кучлари зобитининг махсус топшириқ учун рухсатсиз йўлга чиққани ҳақида сўз боради. “Осмон ҳукмдорлари” (“Sky Force”) урушда номлари тилга олинмаган қаҳрамонларининг фидойилигини намойиш этди. Фильмда ортиқча ватанпарварлик йўқ, асосий эътибор аскарнинг ҳаёт йўлига қаратилган.

Бюджет: 12 800 000 доллар

Биринчи кундаги даромад: 217 000 доллар

Ҳиндистондаги йиғим: 17 000 доллар

Дунёдаги йиғим: 19 000 доллар

3-ўрин — “Рейд 2”

Фильм ҳақида қисқача:

Фильм марказида Ҳиндистон солиқ хизмати ходими Амай Патнаик туради. У ўз фаолияти давомида рейдлар пайтида 4200 крордан ортиқ маблағни мусодара қилган ва ҳозирда “оқ ёқали” томонидан содир этилган навбатдаги жиноятни тергов қилмоқда. Бу сафар у 75-рейдини Дада Маноҳар Бҳай (Ритейш Дешмух) уйида ўтказмоқда.

Бюджет: 12 000 000 доллар

Биринчи кундаги даромад: 3 000 000 доллар

Ҳиндистондаги йиғим: 18 000 доллар

Дунёдаги йиғим: 21 000 доллар

 

2-ўрин — “Сикандар”

Фильм ҳақида қисқача:

Жаҳлдор йигит коррупциянинг кучли тармоғига қарши чиқиб, адолатсизлик ҳукм сураётган мамлакатда мавжуд ҳолатга қарши курашади ва оддий одамларнинг ҳуқуқларини ҳимоя қилади.

Бюджет: 24 000 доллар

Биринчи кундаги даромад: 5 900 000 доллар

Ҳиндистондаги йиғим: 15 200 доллар

Дунёдаги йиғим: 21 500 доллар

YouTubeʼда 65 миллиондан ортиқ кўрилган

 

1-ўрин — “Арслон ўғли”

Фильм ҳақида қисқача:

Ушбу фильм “Чҳава” номли маратҳа романининг экранлаштирилган варианти бўлиб, у жасур жангчи Чҳатрапати Самбҳажи Маҳараж ҳаёти ҳақидаги эпик достондир.

Бюджет: 17 700 доллар

Биринчи кундаги тушумлар: 500 00 доллар

Ҳиндистондаги йиғим: 83 000 доллар

Жаҳон бўйича йиғим: 95 000 доллар

Бу 2025 йилнинг энг кўп даромад келтирган ҳинд фильми бўлди.