2025-yilning eng kassabop hind filmlari

Kassa yig‘imlari qaysidir maʼnoda filmning qanchalik muvaffaqiyatli chiqqanini aks ettiradigan ko‘rsatkich hisoblanadi. 2025-yil hali yakunlanmagan bo‘lsa-da, biz allaqachon eng ko‘p daromad keltirgan hind filmlarini muhokama qilmoqchimiz.

5-o‘rin — “Jasur”

Film haqida qisqacha:

Uzoq qishloqdagi shafqatsiz jinoyatchi Ranatunga (Randip Huda) mahalliy aholini vahimaga solib keladi. Musofir (Sanni Deol)ning tasodifan uning odamlari bilan uchrashishi qishloq aholisining azob-uqubatlarini fosh etadi. Chuqur ildiz otgan korrupsiyani anglab, u vaziyatni o‘z nazoratiga oladi. Haqiqat va adolat uchun kurashib, Ranatunga bilan so‘nggi jangga otlanadi.

Byudjet: 9 600 000 dollar

Birinchi kundagi daromad: 166 000 dollar

Hindistondagi daromad: 12 300 000 dollar

Jahon bo‘yicha daromad: 14 000 dollar

Film o‘z xarajatlarini 2 baravardan ko‘proq qopladi.

4-o‘rin — “Osmon hukmdorlari”

Film haqida qisqacha:

Ushbu film hissiyotlar va jasorat haqidagi ijobiy, samimiy kartina bo‘lib unda bosh rolni Akshay Kumar ijro etgan. Rejissyorlar odatda harbiy dramalarda Hindiston va Pokiston o‘rtasidagi munosabatlarni bo‘rttirib ko‘rsatishga moyil bo‘lishadi. “Osmon hukmdorlari”da esa millatchilik kamaytirilib, askarlar o‘rtasida o‘zaro hurmat tuyg‘usi aks ettirilgan.

Bu hikoyada Hindiston harbiy-havo kuchlari zobitining maxsus topshiriq uchun ruxsatsiz yo‘lga chiqqani haqida so‘z boradi. “Osmon hukmdorlari” (“Sky Force”) urushda nomlari tilga olinmagan qahramonlarining fidoyiligini namoyish etdi. Filmda ortiqcha vatanparvarlik yo‘q, asosiy eʼtibor askarning hayot yo‘liga qaratilgan.

Byudjet: 12 800 000 dollar

Birinchi kundagi daromad: 217 000 dollar

Hindistondagi yig‘im: 17 000 dollar

Dunyodagi yig‘im: 19 000 dollar

3-o‘rin — “Reyd 2”

Film haqida qisqacha:

Film markazida Hindiston soliq xizmati xodimi Amay Patnaik turadi. U o‘z faoliyati davomida reydlar paytida 4200 krordan ortiq mablag‘ni musodara qilgan va hozirda “oq yoqali” tomonidan sodir etilgan navbatdagi jinoyatni tergov qilmoqda. Bu safar u 75-reydini Dada Manohar Bhay (Riteysh Deshmux) uyida o‘tkazmoqda.

Byudjet: 12 000 000 dollar

Birinchi kundagi daromad: 3 000 000 dollar

Hindistondagi yig‘im: 18 000 dollar

Dunyodagi yig‘im: 21 000 dollar

 

2-o‘rin — “Sikandar”

Film haqida qisqacha:

Jahldor yigit korrupsiyaning kuchli tarmog‘iga qarshi chiqib, adolatsizlik hukm surayotgan mamlakatda mavjud holatga qarshi kurashadi va oddiy odamlarning huquqlarini himoya qiladi.

Byudjet: 24 000 dollar

Birinchi kundagi daromad: 5 900 000 dollar

Hindistondagi yig‘im: 15 200 dollar

Dunyodagi yig‘im: 21 500 dollar

YouTubeʼda 65 milliondan ortiq ko‘rilgan

 

1-o‘rin — “Arslon o‘g‘li”

Film haqida qisqacha:

Ushbu film “Chhava” nomli maratha romanining ekranlashtirilgan varianti bo‘lib, u jasur jangchi Chhatrapati Sambhaji Maharaj hayoti haqidagi epik dostondir.

Byudjet: 17 700 dollar

Birinchi kundagi tushumlar: 500 00 dollar

Hindistondagi yig‘im: 83 000 dollar

Jahon bo‘yicha yig‘im: 95 000 dollar

Bu 2025-yilning eng ko‘p daromad keltirgan hind filmi bo‘ldi.