Тошкентда 15 май куни ёшлар учун “Халқаро бизнес марафон” бўлиб ўтди.
Ўзбекистон ёшлар иттифоқи матбуот хизматининг хабар қилишича, тадбирда 300 нафардан ортиқ фаол ёшлар, мамлакатнинг муваффақиятли тадбиркорлари ҳамда 20 дан ортиқ хорижлик бизнес мутахассислари иштирок этди. Марафон давомида ёшлар замонавий бизнес юритиш, инновациялар ва халқаро ҳамкорлик ҳақида қимматли билимларга эга бўлди.
Қайд этилишича, ушбу тадбирни ўтказишдан асосий мақсад ёшлар салоҳиятини рўёбга чиқариш, уларга амалий кўникмалар бериш ва глобал тармоқларга йўл очиш бўлди.
“Ушбу марафон доирасида нафақат юртимиздаги етук ва муваффақиятли тадбиркорлар, балки 350 нафардан ортиқ ёшлар ҳам иштирок этди. Айниқса, 20 дан ортиқ хорижлик тажрибали бизнесмен-мутахассисларнинг иштироки тадбирга алоҳида руҳ ва профессионал муҳит бағишлади”, дейди Ёшлар иттифоқи Марказий кенгаши раиси Хайрулла Саттаров.
Унинг таъкидлашича, бу — нафақат билим ва тажриба алмашиш, балки ёшларни глобал бизнес майдонига тайёрлаш йўлида катта қадам бўлди.
Пойтахтдаги “Ёшлар ижод саройи”да бўлиб ўтган тадбир “Ёшлар — келажагимиз” жамғармаси томонидан ташкил этилди.
Изоҳ (0)