Украина ҳарбий эксперти Олег Жданов Чеченистон раҳбари Рамзан Қодировнинг заҳарланиши эҳтимоли ҳақидаги миш-мишлар фонида унинг қиёфасида ўзгаришлар юз берганига муносабат билдирди. Бу ҳақда UNIAN хабар берди.
Жданов тасдиқлашни талаб қиладиган баъзи маълумотларга асосланиб, Рамзан Қодиров Россия Федерал хавфсизлик хизмати (ФХХ) томонидан заҳарланганини айтди.
“Баъзи белгиларга кўра, унга ўткир буйрак етишмовчилиги қайд этилган. Шу сабабли унда ортиқча вазн ва тана шишиши кузатилган. Айтганча, ўтган ҳафта реанимация учун жиҳозланган тез ёрдам самолёти Москвага учган. Бундан ташқари, уруш шароитида Европа ўз ҳаво ҳудудида бу самолётнинг учишига рухсат берган”, — деди Жданов.
Унинг сўзларига кўра, самолёт Беларусь ҳаво ҳудуди орқали Москвага қўнган, сўнгра Европадаги энг йирик тиббиёт университети — Нюьнбергга йўл олган. У ерда, катта эҳтимол билан, Қодиров ностандарт усуллар билан даволанмоқда.
“Муассасанинг ўзига хос хусусияти тиббий протокол меъёрларидан четга чиқишга имкон беради. Аслида бу университет шуниси билан машҳур”, — дейди украиналик эксперт.
Жданов Қодиров “кетгани”дан сўнг унинг “қодировчилар” деб аталувчи “тик-ток” қўшинлари ҳақидаги хабарлар ҳам йўқолганига эътибор қаратди.
“Қодиров четлатилган деган тахмин бор. У билан бирга ‘қодировчилар‘ тушунчаси ҳам йўқ бўлиб кетди. Ахир улар оддий россиялик ҳарбийлардир. Раҳбарнинг йўқолиши билан ‘қодировлар’ меми ҳам йўқолди”, — дейди у.
Изоҳ (0)