Фарғонада маст ҳолда кўчада «Тўй бола» қўшиғига яланғоч ўйинга тушган йигит ва бу ҳолатни видеога олиб, Тик-Токъка жойлаган икки нафар шериги жавобгарликка тортилди. Бу ҳақда «Дарё»га вилоят ИИБ ахборот хизмати маълум қилди.
Қайд этилишича, 2022 йилнинг 13 октябрь куни Тик-Ток мессенжерига уч нафар эркак кечқурун кўчанинг ўртасида қўшиқ айтиб, ўйинга тушаётгани акс этган видео жойланган. Улардан бири кийимларини ечиб, жамиятда юриш-туриш қоидаларини бузиб, «томоша» кўрсатган.
Фарғона шаҳар ички ишлар органлари фаолиятини мувофиқлаштириш бошқармаси ходимлари томонидан олиб борилган ўрганишлар натижасида видеотасвирда акс этган эркакларнинг шахсига аниқлик киритлган.
Мазкур ҳолат юзасидан юқоридаги шахсларга нисбатан маъмурий тартибда тўпланган ҳужжатлар жиноят ишлари бўйича Фарғона шаҳар судига тақдим этилган.
Суд томонидан майда безорилик содир этган, деб топилган ҳуқуқбузарларнинг ҳар бирига 15 суткадан маъмурий қамоқ жазоси тайинланган.
Изоҳ (0)