Футбол бўйича Элит Чемпионлар Лигаси 7-тур учрашувида “Пахтакор” сафарда “Ал-Гарафа”га мағлуб бўлди. Учрашувдаги ягона гол 39-дақиқада мезбонлар вакили Сасси томонидан киритилди.
Sofascore ушбу ўйинда ҳаракат қилган ўйинчиларни баҳолади. “Пахтакор” сафида ҳаракат қилган Ҳамралиев, Абдумажидов меҳмонлар сифатида энг юқори — 7 баллга лойиқ кўрилган. Игор Сергеев жамоа таркибида энг кам балл олди — 6.3 балл.
Меҳмонлар сафида энг юқори балл гол муаллифи Фержани Сассига насиб қилган. 8,1 балл билан баҳоланган футболчи ўйиннинг энг яхши футболчиси сифатида эътироф этилди. Мезбонлар ҳужумчиси 6,6 балл билан баҳоланган.
7 турдан сўнг “Пахтакор” клуби 4 очко тўплаб, 10-ўринда бормоқда. Клуб 8-турда “Ал-Садд”га 17 февраль куни Тошкентда баҳс олиб боради. Ушбу ўйиндаги ғалаба жамоани плей-офф босқичига олиб чиқиши мумкин.
Изоҳ (0)