Мазкур китоб хизмати Ўзбекистон нашриётлари ва ўзбек тилидаги китоблар витринасини ишга туширди. Болалар эртаклари, дарсликлар, бизнес-адабиётлар, жаҳон классикаси, илмий-оммабоп асарлар ва Ўзбек ёзувчиларининг ижод намуналари — энди Yandex Plusъга обуна бўлиш орқали буларнинг барчасини ўқиш ва тинглаш имконияти пайдо бўлди.
Лойиҳани ишга туширишдан асосий мақсад — ўзбек адабиётни оммалаштириш ва маҳаллий нашриётлар фаолиятига аудитория эътиборини жалб этиш. Хизматда аллақачон Ўзбекистоннинг “Болалик Кунларимда” ва “Асахий Bookс” каби йирик нашриётларининг кенг кўламли адабиётлари тақдим этилган. Шунингдек, яқин келажакда хизмат каталогида “Янги аср авлоди” нашриётининг китоблари ҳам пайдо бўлади.
“Китоблар, мусиқа, кино ва бошқа соҳалар сингари маданият ва бизнес туташган жойда тобора рақамлашмоқда. Биз обуначиларимизга нафақат илғор технологияларни, балки замонавий ўзбек муаллифлари асарларининг хилма-хиллигини, шунингдек, мамлакатимизнинг энг яхши нашриётлари томонидан тайёрланган классик асарлар, халқ эртаклари ва жаҳон бесцеллерларининг ўзбек тилига таржималарини таклиф этаётганимиздан жуда мамнунмиз. Бу ўзбек ёзувчиларни оммалаштиришга, ёшлар орасида адабиётга қизиқишни оширишга ва китобларнинг ўз ўқувчиларини топишига ёрдам беради”, — дея фикр билдирди Yandex Plus контент йўналишларини халқаро ривожлантириш бўйича директори Елена Бродская.
2018 йилдан буён Асахий интернет-дўкони томонидан ташкил этилган Асахий Bookс лойиҳаси ўзбек тилидаги адабиётдан фойдаланиш имкониятларини фаол равишда кенгайтирмоқда — жаҳон дурдоналари таржима қилинмоқда ва маҳаллий муаллифларнинг асарлари нашр этилмоқда. Нашриёт аллақачон Жеймс Клирнинг “Атом одатлар” ва Уолтер Айзексоннинг “Стив Жобс” каби машҳур асарларнинг таржимасини тақдим этган.
Болалик Кунларимда лойиҳаси 2019 йилдан бери Ахборот ва оммавий коммуникациялар агентлиги ҳамда Мактабгача таълим вазирлиги кўмагида яратилган аудио эртаклар билан болаларни хурсанд қилмоқда. Дастлаб Болалик Кунларимда ўзбек халқ эртакларини ўзбек ва рус тилларида овозлаштирилган. Аммо вақт ўтиши билан рўйхат туркман, қозоқ, тожик, япон, арман, рус ва Европа халқ эртаклари, шунингдек, Шарл Перро, Ханс Христиан Андерсен, ака-ука Гриммларнинг асарлари билан бойитила бошланди. Аудио версияларни яратиш устида таржимонлар ва болалар психологлари ишлаган, қаҳрамонларга эса Ўзбекистоннинг таниқли актёрлари ва санъаткорлари кичик адабиёт ихлосмандлари учун махсус овоз берган.
Yandex Bookс ўзбек тилидаги витринасининг ишга туширилиши — бу миллий адабиётни оммалаштириш ва кенг аудитория орасида умуман китобхонликка бўлган қизиқишни ошириш йўлидаги қадамдир. Ушбу хизмат маҳаллий нашриётларга ўз ўқувчиларини топишда, ўзбекистонликларга эскирмайдиган мумтоз адабиёт билан бирга янги маҳаллий ва жаҳон адабиётини кашф этишда ёрдам беради ва энг кичик китобсеварларга эртаклар дунёсига унутилмас саёҳатларни тақдим этади.
Yandex Plus
Реклама ҳуқуқи асосида.
Изоҳ (0)